दार्चुला । दोदा नदीमा आठ वर्षअघि शुरु गरिएको पुल निर्माण कार्यमा तीन वटा पिलर मात्रै बनेको छ ।
कञ्चनपुरको लालझाडी गाउँपालिका–४ स्थित दोदा नदीमा आठ वर्षअघि पक्की पुल निर्माण कार्य शुरु गरिएकोमा हालसम्म पुलका तीन वटा पिलर मात्र बनेका छन् ।
उक्त पुल निर्माण तीन वर्षभित्र सम्पन्न गर्ने गरी २०७२ पुस २६ गते २४ करोड ५२ लाख रुपैयाँमा ठेक्का सम्झौता भएको थियो । पुल निर्माण कार्यको जिम्मा लुम्बिनी राजेन्द्र कुमार श्रेष्ठ जेभी कम्पनीले पाएको थियो ।
धेरै पटक म्याद थपिसक्दा पनि पुल निर्माण कार्यले गति लिएको छैन । ती तीन वटा पिलर पनि मापदण्डविपरीत बनेपछि २०७८ साउनमा पुलको नयाँ डिजाइन तयार गरिएको छ ।
निर्माण कम्पनीलाई बारम्बार ताकेता गर्दै आएपनि ठेकेदारले विभिन्न बहाना बनाएर लापरवाही गरिरहेको सडक डिभिजन कार्यालय महेन्द्रनगरले जनाएको छ । पुल निर्माणका लागि हालसम्म १२ करोड भुक्तानी भइसकेको जनाइएको छ ।
पुल निर्माण नहुँदा स्थानीयले शुल्क तिरेर काठको अस्थायी पुल प्रयोग गर्दै आवतजावत गर्दै आएको बताएका छन्
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
प्रतिक्रिया
भर्खरै प्रकाशित
