दार्चुला । कैलालीको गौरीफन्टा नाकाबाट भित्रिएका यप २ जनामा कोरोना संक्रमण पुष्टि भएको छ। आज बिहीवार भारतबाट फर्किएका ६० जनाको एन्टीजेन विधिबाट गरिएको स्वास्थ्य परिक्षणमा २ जनामा कोरोना संक्रमण देखिएको हो । ५८ जनामा नेगेटिभ देखिएको छ।
प्रदेश आपतकालीन कार्य संचालन केन्द्र धनगढीका अनुसार यो सँगै सुदुरपश्चिममा ४ जनामा कोरोना संक्रमण देखिएको छ। हिजो बुधवार पनि २ जनामा कोरोना संक्रमण देखिएको थियोे। अहिले उनीहरूको स्वास्थ्य सामान्य छ । संक्रमितहरुमा कुन भेटियन्ट हो भन्ने विषयमा थप परीक्षण गरिने भएको छ ।
पछिल्लो समय भारतमा कोरोना भाइरसको नयाँ भेरिएन्ट जेएन १ भेटिएपछि नेपालमा पनि त्यो भित्रिन सक्ने खतरा बढेको छ । विश्व स्वास्थ्य संगठनले मंगलवाबार कोभिड १९ को नयाँ भेरिएन्ट जेएन १ (भेरिएन्ट अफ इन्टरेस्ट) पुष्टि भएको जनाएको छ ।
समाचार एजेन्सी रोएटर्सका अनुसार कोभिड १९ का अन्य ‘उपप्रजाति’ तुलनामा यसले मानव शरीरको रोग प्रतिरोधी क्षमतालाई सजिलै जित्नसक्छ । तर, यसबाट स्वास्थ्यमा गम्भीर खतरा भने धेरै नरहेको बताइएको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
प्रतिक्रिया
भर्खरै प्रकाशित
