दुर्गादत्त मिश्र, दार्चुला । ज्ञान, विज्ञान, सीप, उद्यम र मौलिकताः साझेदारी र प्रणालीगत सक्षमता’ भन्ने नाराका साथ राष्ट्रिय शिक्षा दिवस दार्चुलामा पनी मनाइएको छ ।
दिवसको अवसरमा ब्याँस गाउँपालिका भित्रका सम्पुर्ण विद्यालयहरुको उपस्थितिमा शैक्षिक अन्तरक्रिया तथा हाजिरीजवाफ प्रतियोगिताको आयोजना गरिएको ब्याँस गाउँपालिका प्रवक्ता उपेन्द्र सिंह धामीले जानकारी दिनुभयो । गाउँपालिकाका प्रमुख प्रशासकिय अधिकृत चन्द्र सिंह कुवँरको अध्यक्षता रहेको कार्यक्रममा उपाध्यक्ष विनोद कुवँर, वडा नम्बर ३ का वडा अध्यक्ष एंव गाउँपालिका प्रवक्ता उपेन्द्र सिंह धामी पालिकाभरीका विद्यालयहरुका प्रधानाध्यापक,शिक्षक, विद्यार्थी शिक्षाप्रेमी लगायत सरोकारवालाहरुको उपस्थितिमा शैक्षिक अन्तरक्रिया तथा हाजिरीजवाफ प्रतियोगिता सम्पन्न गरिएको उहाले बताउनुभयो ।
राष्ट्रिय शिक्षा दिवसको अवसरमा जिल्ला सदरमुकाम खंलगामा अवस्थित महेन्द्र नमुना मावि खलंगामा राष्ट्रिय झण्डा विषयक वक्तृत्वकला प्रतियोगिता तथा विविद् सास्कृतिक कार्यक्रमहरुको आयोजना गरिएको छ । यस्तै दिवसको अवसरमा लेकमको लटिनाथ नमुना मावि चौपातामा हाजिरीजवाफ प्रतियोगिता सम्पन्न गरिएको विद्यालयका सहायक प्रधानाध्यापक महेश राज जोशीले जानकारी दिनुभयो ।
जिल्लाका अन्य विभिन्न विद्यालयहरुमा पनी राष्ट्रिय शिक्षा दिवस भब्यताका साथ मनाइएको सम्बन्धित विद्यालयहरुले जानकारी दिएका छन् ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया