दार्चुला । बैतडीमा जिप दुर्घटना हुँदा ६ जना घाइते भएका छन । बैतडीको छेलाबाट दशरथचन्द नगरपालिका वडा नम्बर ३ दुर्गाभवानी जाँदै गरेको से १ ज ३२० नम्बरको जिप अनियन्त्रित भएर विहीवार राति १० बजेतिर डुवापानी भन्ने स्थानमा दुर्घटनामा परेको जिल्ला प्रहरी कार्यालय बैतडीले जनाएको छ ।
दुर्घटना परि जिपमा सवार ८ जना मध्ये चालकसहित ६ जना घाइते भएका छन् । घाईते मध्ये ५ जना जिल्ला अस्पताल बैतडीमा उपचार गराएर घर फर्किसकेका छन् । घाइते मध्ये दशरथचन्द नगरपालिका ३ वरकुरालीका दिलिप नाथलाई थप उपचारका लागी धनगढी लगिएको प्रहरीले जनाएको छ ।
जिप सडकबाट ५ मिटर तल खसेको थियो । सल्लाको रुखमा अड्केकाले ठूलो दुर्घटना टरेको बताइएको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया