दार्चुला । बैतडीमा बसको ढोकाबाट खसेर बसका सहचालक गम्भीर घाईते हुनुभएको छ । जिल्लाको मेलौली नगरपालिका–७ काडाँका १८ वर्षीय बस सहचालक नविन भट्ट घाईते भएका हुन् ।
महेन्द्रनगरबाट पञ्चेश्वर जाँदै गरेको दिपक मल्लले चलाएको पवनदुत यातायातकोे ना ८ ख ६३६१ नम्बरको बस रोक्न खोज्दा सहचालक भट्ट मेलौली नगरपालिका–१ स्थित इलाका प्रहरी कार्यालय तस्सुदेहीमा बसबाट खसेर गम्भिर घाईते भएको जिल्ला प्रहरी कार्यालय बैतडीका प्रवक्ता प्रहरी निरीक्षक जनक ढुंगानाले बताउनुभयो ।
चालकले एक्कासी ब्रेक लगाउदा सहचालक भट्ट घाईते भएको र उहाको धनगढीमा उपचार भइरहेको बताइएको छ । चालक मल्ललाई प्रहरीले नियन्त्रणमा लिएको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया