दार्चुला । बैतडीमा बन्दुक देखाएर स्थानीयहरुलाई तर्साउने दुईजनालाई प्रहरीले प्रकाउ गरी अनुसन्धान शुरु गरेको छ । जिल्लाको दशरथचन्द नगरपालिका वडा नम्बर –९ लमौताका ३६ बर्षीय तारादत्त जोशी र ४३ बर्षीय महेशदत्त जोशीलाई प्रकाउ गरी अनुसन्धान शुरु गरिएको जिल्ला प्रहरी कार्यालय बैतडीका प्रवक्ता प्रहरी निरीक्षक बलराम पाण्डेयले जानकारी दिनुभयो ।
शुक्रबार राति ८ बजेको समयमा मादक पदार्थ सेवन गरेर बन्दुक देखाएर स्थानीयहरुलाई त्रसित पारेको आरोप लागेको छ ।नागार्जुन प्रहरीचौकीबाट खटिएको प्रहरी टोलीले शुक्रबार राति दुवै जनालाई एकनाथ भरुवा बन्दुकसहित नियन्त्रणमा लिएको थियो ।
आइतबार जिल्ला अदालतबाट ६ दिनको म्याद थपेर दुवैजनामाथि हातहतियार तथा खरखजाना कसुरमा अनुसन्धान शुरु गरिएको प्रहरी निरीक्षक पाण्डेयले बताउनुभयो । उनीहरुसंग बन्दुकको इजाजत समेत नरहेको बताइएको छ । घटनाका बिषयमा थप अनुसन्धान भइरहेको जिल्ला प्रहरी कार्यालय बैतडीले जनाएको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया