दार्चुला । बैतडी र दार्चुला जोड्ने दशरथचन्द राजमार्ग सडक माथिबाट पहिरो खस्दा अबरुद्ध बनेको छ । जिल्लाको पाटन नगरपालिका वडा नम्बर–४ जेउडेमा आइतवार ६ बजेको समयमा मोड सुधारको क्रममा कटिङ क्षेत्रबाट खसेको पहिरोले सडक पूृर्णरुपमा अबरुद्ध बनेको सडक डिभिजन कार्यालय पाटनका प्रमुख लक्ष्मणदत्त जोशीले जानकारी दिनुभयो ।
प्रहरी र प्राविधिक टोलीले स्थलगत निरीक्षण गरेको र रातीको समयमा पहिरो पन्छाउन सकिने अवस्था नरहेकाले भोली बिहानैदेखि पहिरो पन्छाउने काम थालिने जिल्ला प्रहरी कार्यालय बैतडीका प्रमुख, प्रहरी नायव उपरिक्षक मकेन्द्र मीश्रले बताउनुभयो । पहिरोको जोखिम अझै पनि रहेकाले रातीको समयमा सडक खुलाउन नसकिने बताईएको छ ।
सडक अबरुद्ध बनेसंगै बैतडी र दार्चुलाबाट छुटेका छोटो तथा लामो दुरीका सवारीसाधनहरु त्यही रोकिएका छन्, भने यात्रुहरु अलपत्र अवस्थामा रहेका छन् । प्रशासनले दार्चुला र बैतडीबाट छुटेका सवारी साधनका यात्रुहरुलाई सतबाज लगायतका बजार क्षेत्रमा सुरक्षित राख्न आग्रह गरेको छ, भने तराइका जिल्लाबाट आएका सवारी साधनका यात्रुहरुलाई पाटन बजारमा बस्न आग्रह गरिएको छ ।
सोही व्यवस्थापनको लागि जिल्ला प्रहरी कार्याय बैतडी र इलाका प्रहरी कार्यालय पाटनको टोली यात्रु व्यवस्थापनमा खटिएको जिल्ला प्रहरी कार्यालय बैतडीले जनाएको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया