दुर्गादत्त मिश्र, दार्चुला । रक्षामन्त्री मानवीर राई सहितको टोली बुधबार (भोली) दार्चुला–टिंकर सडकको निरीक्षणमा आउने भएका छन् ।
राष्ट्रिय गौरबका सडकमा प्रगति नभएको भन्दै प्रधानमन्त्रीले चासो लिएपछि सडकको निरीक्षणमा आउन लागेका हुन् । टोलीमा रक्षा मन्त्री राईसँगै भौतिक पुर्वाधार तथा यतायात मन्त्री देवेन्द्र दाहाल, नेपाली सेनाका प्रधान सेनापति महारथी अशोकराज सिग्देल आउने बताईएको छ ।
मन्त्रीसहितको टोली विहान ९ बजे व्याँस गाउँपालिका वडा नम्बर –१ को सुनसेरा पुग्ने कार्यक्रम रहेको जिल्ला प्रशासन कार्यालय दार्चुलाका प्रमुख जिल्ला अधिकारी यज्ञराज जोशीले जानकारी दिनुभयो । टोलीले निर्माणाधीन दार्चुला–टिंकर सडकको निरीक्षण गर्ने तथा विकास निर्माण दल गणको निरीक्षण गर्ने बताइएको छ ।
नेपाली सेनाले ०७७ माघ २८ गतेबाट दार्चुला–टिंकर सडक निर्माण थालनी गरेको हो । दार्चुला–टिंकर सडकको तुसारपानी–टिंकरको ७९ किलोमिटर ट्रयाक खोल्नुपर्ने छ । अहिलेसम्म सेनाले १३।५९ किलोमिटर मात्रै ट्रयाक खुलाएको छ ।
रक्षामन्त्री राई सहितको टोली दार्चुला आउने भएपछि जिल्लास्थित सुरक्षा निकायका प्रमुखहरु आजै व्यासँ गाउँपालिकाको सुन्सेरा पुगेका छन् ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया