दुर्गादत्त मिश्र, दार्चुला । दार्चुलामा उपनिर्वाचनको तयारी पुरा भएको छ । मंसिर १६ गते जिल्लाको दुहुँ गाउँपालिका वडा नम्बर –५ मा हुने रिक्त वडा अध्यक्ष पदको उपनिर्वाचनको तयारी पुरा भएको जिल्ला निर्वाचन कार्यालय दार्चुलाले जनाएको छ ।
जिल्ला निर्वाचन कार्यालय दार्चुलाका प्रमुख प्रदीपसिह धामीका अनुसार मतपत्रसहितका निर्वाचन सामाग्री जिल्ला आइपुगेको र मतदान अधिकृतहरु र सहायक मतदान अधिकृतहरुलाई हिजो तालिम दिएर आजबाट मतदान स्थलमा खटाइने बताइएको छ ।
दुहुँको दुर्गा आधारभूत विद्यालय गरमोरामा मतदान स्थल तोकिएको छ भने क र ख मतदान केन्द्र कायम गरिएको निर्वाचन अधिकृत धामीले बताउनुभयो ।
एउटा मतदान केन्द्रमा ७ जना कर्मचारी खटिनेछन् ।जसमा मतदान अधिकृत, सहायक मतदान अधिकृत, सहायक कर्मचारी, कार्यालय सहयोगी र एक जना स्वयंसेवक खटिनेछन् ।
दुहुँ गाउँपालिका–५ मा एक हजार दुई सय ७२ मतदाता छन् । वडाअध्यक्षको लागि चार जना एक स्वतन्त्रसहित चार जना प्रतिस्पर्धामा छन् । एमालेबाट मानसिंह बडाल, कांग्रेसबाट धनसिंह कुँवर, माओवादीबाट वीरसिंह कार्की र स्वतन्त्रबाट लालबहादुर कुँवर चुनावी मैदानमा छन् । माओवादी केन्द्रबाट निर्वाचित वडाध्यक्ष मनोरथ भट्टको असार २०८० मा मृत्यु भएपछी उक्त वडामा मंसिर १६ गते उपनिर्वाचन हुदैछ ।
साथै आज रातीबाट मौन अवधि सुरु हुदैछ । मौन अवधिमा चुनावी प्रचार,प्रसार लगायतका गतिविधि नर्गन सूचित गरिएको छ । निर्वाचनलाई मध्यनजर गर्दै दार्चुलामा सुरक्षा व्यवस्थामा कडाई गरिएको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया