दार्चुला । दार्चुलाको दुहुँ गाउँपालिकामा सम्पन्न पाचौं स्थानीय राष्ट्रपति रनिङ शिल्ड प्रतियोगिता सम्पन्न भएको छ । आज दुहुँमा सम्पन्न राष्ट्रपति रनिङ शिल्डको उपाधी जनविकास मावि बारबाँजले प्राप्त गर्न सफल भएको छ ।
यस्तै आजै शैल्यशिखर नगरपालिकामा सम्पन्न राष्ट्रपति रनिङ शिल्डको उपाधी गोकुलेश्वर मावि गोकुलेले जितेको छ । अहिलेसम्म जिल्लाका छ पालिकामा प्रतियोगिता सम्पन्न भइसकेको छ।
महाकाली नगरपालिका, मालिकार्जुन गाउँपालिका र लेकम गाउँपालिकामा स्थानीय राष्ट्रपति रनिङ शिल्ड सञ्चालन हुन बाकी रहेको छ । सबै पालिकाले स्थानीय राष्ट्रपति रनिङ शिल्ड प्रतियोगिता सम्पन्न गरेर जिल्ला स्तरीय राष्ट्रपति रनिङ शिल्डको लागि पलिकाको टिम छनोट गर्नेछन् ।
जिल्ला स्तरीय प्रतियोगितामा नौँ वटै स्थानीय तहबाट एक/एक गरि नौँ टिमबिच विभिन्न विधाका खेलकुदमा प्रतिस्पर्धा हुनेछ । जिल्लास्तरीय राष्ट्रपति रनिङ शिल्डमा सहभागी उत्कृष्ट खेलाडीको टिम छनोट गरि प्रदेश स्तरीय प्रतियोगितामा पठाइनेछ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया