दार्चुला । दार्चुलाको लेकम गाउँपालिका-२ गराडीबाट लिसिनि भिर, ल्युणेत हुदै रातामाटा जोड्ने सडकको निर्माण कार्य गराडीबाट सुरू भएको छ।
गराडी अस्पतालदेखि लिसिनि भिर हुँदै गाउँपालिकाको केन्द्र रातामाटासम्म उक्त सडक निर्माण हुने लेकम-२ का वडाअध्यक्ष शिवराज जोशीले जानकारी दिनुभयो । उक्त सडकमा संघीय सरकारले चालु आर्थिक वर्षमा एक करोड बजेट विनियोजन गरि सडक डिभिजन कार्यालय बैतडीमार्फत कार्यान्वयन भइरहेको उहाँले बताउनुभयो ।
गराडीदेखि लिसिनिसम्म ट्याक खुलेको उक्त सडकको काम लामो समयदेखि ठप्प रहेकोमा आजदेखि स्काइभेटर मेसिनमार्फत निर्माण कार्य सुरू भएको स्थानीय बाशुदेव जोशीले बताउनुभयो । गराडीदेखि लिसिनिसम्म सडकको ग्रेड मिलाउने र लिसिनि भिरदेखि रातामाटासम्म नयाँ ट्याक निर्माण गरिने बताइएको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया