दार्चुला । खंलगा गोकुलेश्वर सडक खण्डको किम्तडी ठण्याकाठामा सकड निर्माणको क्रममा पहिरो खस्दा स्काइभेटर पहिरोमा पुरिएको छ । शुक्रबार विहान सवा ६ बजेको समयमा निर्माण कार्यमा रहेको स्काइभेटर चालक सहित पहिरोमा पुरिएको जिल्ला प्रहरी कार्यालय दार्चुलाका प्रहरी निरीक्षक तथा सूचना अधिकारी कान्ती राज जोशीले जानकारी दिनुभयो ।
सडक निर्माणको क्रममा सडक माथिबाट खसेको पहिरोमा परि स्काइभेटर सडकबाट २०/२५ मिटर तल महाकाली किनारमा खसेको उहाँले बताउनुभयो । पहिरोमा परि स्काइभेटर अपरेटर जाजरकोटको जुलीचादी गाउँपालिका वडा नम्बर ११ घर भएका रेशम बुढा घाइते भएको उहाँले बताउनुभयो ।
बुढाको खुट्टामा चोट लागेको छ। पहिरो सडक पुर्ण रुपमा अबरुद्ध भएको प्रहरी निरीक्षक जोशीले बताउनुभयो ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया