दार्चुला । दार्चुलाको शैल्यशिखर नगरपालिका वडा नम्बर ७ मा अवस्थित हुनैनाथ माध्यमिक विद्यालय देवथलीमा विद्यालय आत्मानिर्भर अक्षय कोष स्थापना गरिएको छ ।
विद्यालयको ४१ औँ वार्षिकोत्सव समारोहको अवसरमा शुक्रवार (हिजो) ५६ हजार बराबरको अक्षय कोष स्थापना गरिएको विद्यालय व्यवस्थापन समिति अध्यक्ष केशव राज जोशीले जानकारी दिनुभयो ।
उहाँका अनुसार विद्यालयका पूर्व शिक्षक, शिक्षिका, अभिभावक, शैल्यशिखर नगरपालिकाका कर्मचारी, जनप्रतिनिधि, पूर्व विद्यार्थीहरु लगायतको आर्थिक सहयोगमा विद्यालय आत्मानिर्भर अक्षय कोष स्थापना गरिएको हो ।
उक्त कोषमा आर्थिक सहयोग गर्न इच्छुक शिक्षाप्रेमीहरुलाई आग्रह समेत गरिएको छ । विद्यालयको कोषमा जम्मा हुने गरी सक्दो रकम सहयोग गर्ने सम्र्पुणमा विद्यालयले धन्यवाद ज्ञापन गरेको छ ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया