दार्चुला । बैतडीमा दुई बालिकामाथि बलात्कार भएको घटना बाहिरिएको छ ।
जिल्लाको मेलौली नगरपालिकाकी १६ बर्षीया बालिकामाथि बलात्कार गरेको आरोपमा सोही ठाउँका २५ बर्षीय पुरुषलाई पक्राउ गरिएको छ । ती पुरुषले बालिकामाथि २०८० असार र कार्तिकमा जबरजस्तीकरणी गरेको जाहेरी परेपछि उनलाई प्रहरीले आइतबार पक्राउ गरेको हो ।
पक्राउ परेका ती पुरुषलाई इलाका प्रहरी कार्यालय पाटनको हिरासतमा राखिएको छ । उक्त घटनामा संलग्न भनिएका पुरुषको परिचय प्रहरीले गोप्य राखेको छ ।
यस्तै शिवनाथ गाउँपालिकाकी १५ बर्षीया बालिकामाथि बलात्कार गरेको आरोपमा सोही ठाउँका ३० बर्षीय पुरुषलाई पक्राउ गरेको छ । ती पुरुषले ललाईफकाई गरेर गत माघमा बालिकामाथि बलात्कार गरेको जाहेरीको आधारमा उनलाई आइतबार पक्राउ गरिएको हो ।
पक्राउ परेकामाथि अदालतबाट १० दिनको म्याद थपेर अनुसन्धान शुरु भइसकेको जिल्ला प्रहरी कार्यालय बैतडीका प्रवक्ता प्रहरी निरीक्षक बल्देव बडूले बताउनुभयो।
दुवै घटना अनुसन्धानमा रहेका र पीडकको नाम सार्वजनिक गर्दा पीडितलाई थप क्षति हुन सक्ने भएकाले परिचय गोप्य राखिएको प्रहरी निरीक्षक बडूले बताउनुभयो।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया