दार्चुला । दार्चुलाको व्याँस गाउँपालिका वडा नम्बर ४ मा अवस्थित सम्पाल माध्यमिक विद्यालय सुन्सेराको ७०औँ वार्षिकोत्सव तथा अभिभावक दिवस सम्पन्न भएको छ । विद्यालय व्यस्थापन समिति अध्यक्ष राजेन्द्र सिंह कुवँरको अध्यक्षता रहेको कार्यक्रममा पूर्व मन्त्री गणेश सिंह ठगुन्नाको प्रमुख आतिथ्यता रहेको थियो ।

कार्यक्रममा व्याँस गाउँपालिका अध्यक्ष मंगल सिंह धामी, उपाध्यक्ष बिनोद सिंह कुवँर, नेकपा (एमाले) केन्द्रीय कमिटी सदस्य हरदेब जोशी, जनप्रतिनिधि, राजनीतिक दलका प्रतिनिधि, विभिन्न विद्यालयका विव्यस अध्यक्ष र प्रधानाद्यापक, कर्मचारीहरु, शिक्षक, विद्यार्थी, अभिभावक, शिक्षाप्रेमी लगायत सरोकारवालाहरुको आतिथ्यता एंव उपस्थिति रहेको थियो ।

विद्यालयका प्रधानाद्यापक बलदेब धामीले वार्षिक प्रगति प्रतिवेदन प्रस्तुत गर्नुका साथै विविध सांस्कृतिक कार्यक्रमको आयोजना गरि ७०औँ वार्षिकोत्सव तथा अभिभावक दिवस मनाइएको व्याँस गाउँपालिकाका प्रवक्ता उपेन्द्र सिंह धामीले बताउनुभयो ।