दार्चुला । स्वतन्त्र विद्यार्थी युनियन गोकुलेश्वर क्याम्पस समितिद्धारा गोकुलेश्वर बहुमुखी क्याम्पसमा वक्तृत्वकला प्रतियोगिता सञ्चालन गरिएको छ ।
“राष्ट्र निर्माणमा युवाहरुको भुमिका” विषयक वक्तृत्वकला प्रतियोगितामा क्याम्पसमा अध्ययनरत ८ जना विद्यार्थीहरुको सहभागिता रहेको स्वतन्त्र विद्यार्थी युनियन गोकुलेश्वर क्याम्पस उपाध्यक्ष जिज्ञाशा चन्दले जानकारी दिनुभयो ।
प्रतियोगितामा सहभागीमध्ये मन्जु मिश्र प्रथम, धाना जोशी द्धितीय र पूजा जोशी तृतीय हुनुभएको उहाँले बताउनुभयो । त्यस्तै प्रतियोगितामा हेमन्ती जोशीले सान्तना स्थान प्राप्त गर्नुभएको छ ।
स्वतन्त्र विद्यार्थी युनियन गोकुलेश्वर क्याम्पस उपाध्यक्ष जिज्ञाशा चन्दको अध्यक्षतामा सञ्चालन भएको कार्यक्रममा गोकुलेश्वर बहुमुखी क्याम्पसका प्रमुख प्रमल सिंह महराको प्रमुख आतिथ्यता रहेको थियो ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया