दार्चुला । गएराति देशका केही ठाउँमा सामान्यदेखि मध्यम वर्षा भएको छ । पछिल्लो ६ घण्टामा सबैभन्दा धेरै म्याग्दीमा ४० मिलिमिटर पानी परेको छ ।
अहिले दार्चुला र आसपासमा मध्यम वर्षा भइरहेको छ । राति काठमाण्डौ उपत्यकासहित धेरै ठाउँमा खासै पानी परेन । आज दिउँसो सबै प्रदेशका केही ठाउँमा हल्कादेखि मध्यम वर्षाको सम्भावना रहेको मौसम पूर्वानुमान महाशाखाले जनाएको छ ।
महाशाखाका अनुसार कोशी, बागमती, गण्डकी र कर्णाली प्रदेशका एकरदुई ठाउँमा ठूलो पानी पर्ने सम्भावना छ । यसैबिच भारतले धौलीगंगाको बाँध खोलेको छ । हिजोरातीदेखि धौलीगंगा बाँध खुल्ला गरिएकाले नदी तटिय क्षेत्रमा सावधानी अपनाउन आग्रह गरिएको छ । भारतले धौलीगंगा बाँध खोल्नेबारे हिजो कुनैपनी सूचना नदिएको र आज बिहानमात्रै बाँध खुल्ला गरिएको सूचना प्राप्त भएको दार्चुलाका प्रमुख जिल्ला अधिकारी अनिल पौडेलले जानकारी दिनुभयो ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया