दार्चुला । दार्चुलाको महाकाली नगरपालिका वडा नम्बर २ बडालीगाउँका आधा दर्जन घर पहिरोको जोखिममा परेका छन् ।
विहिबार (हिजो) राती बर्षा संगै खसेको पहिरोले बडालीगाउँका ६ वटा घर पहिरोको जोखिममा परेको स्थानीय गोपाल सिंह बडालले बताउनुभयो । बिहिबार रातीको बर्षाको कारणको स्थानीय गोपाल सिंह बडालको घरको आगनबाट पहिरो खसेको जिल्ला प्रहरी कार्यालय दार्चुलाका प्रहरी निरीक्षक निरीक्षक तथा सूचना अधिकारी छत्रबहादुर रावतले बताउनुभयो ।
घरको आगनबाट पहिरो खसेपछि घरमाथी पनि जमिनमा चिरा पर्न थालेकाले आफू छिमेकिको घरमा सरेको उहाँले बताउनुभयो। घर जोखिममा परेको जानकारी गराउन आफू वडा कार्यालयसमेत पुगेको उहाँले बताउनुभयो ।
सोही ठाउँमा स्थानीय पदमसिंह बडाल, करनसिंह बडाल, जमनसिंह बडाल, हरकसिंह बडाल र लक्षमन सिंह बडालको घर पनि पहिरोको जोखिममा परेको उहाँले बताउनुभयो ।
अहिले पहिरो खसेको ठाउँमा प्रहरीको टोली परिचालन गरिएको र थप विवरण आउन बाँकी रहेको जिल्ला प्रहरी कार्यालय दार्चुलाले जनाएको छ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया