दार्चुला । दार्चुलाको शैल्यशिखर नगरपालिका–१ मा अवस्थित लटिनाथ आधारभूत विद्यालय बारीलमा चोरी भएको छ । मंगलबार राति विद्यालयको कार्यालयमा राखिएका करिब डेढ लाख रुपैयाँ बराबरका सामग्री चोरी भएको विद्यालयका प्रधानाध्यापक सुरेन्द्र बहादुर तितराले जानकारी दिनुभयो ।
उहाँका अनुसार अज्ञात समूहले विद्यालयको कार्यालयमा रहेका साउन्ड स्पीकर (डिजे), ढोलक, खैजडी लगायत विभिन्न खेलकुद तथा शैक्षिक सामग्री चोरी गरेका छन् । बुधबार बिहान विद्यालय सञ्चालन गर्ने क्रममा चोरी भएको घटना पत्ता लागेको बताइएको छ ।
घटनाबारे अनुसन्धानका लागि प्रहरी चौकी बलाँचमा निवेदन दिइएको प्रधानाध्यापक तितराले जानकारी दिनुभयो । चोरीमा संलग्न व्यक्तिहरु वा समूहको खोजी भइरहेको प्रहरीले जनाएको छ ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया