दार्चुला । आउँदो वर्ष साउदी अरबमा आयोजना हुने एएफसी एशियन कपमा छनोट हुन नेपाल असफल भएको छ । भियतनाको थोङ न्हाट खेल मैदानमा गएराति भएको तेस्रो चरणको आफ्नो चौँथो खेलमा भियतनामसँग नेपाल १–० गोलअन्तरले पराजित भएको हो ।
नेपालका सुमन श्रेष्ठले पहिलो हाफको पाँचौ मिनेटमा गरेको आत्मघाती गोल नै भियतनामका लागि निर्णायक बन्यो । नेपाल भियतनामसँग पराजित भएसँगै दुई खेलअगावै छनोटबाट बाहिरिएको छ ।
यसअघि भियतनामसँग नेपाल ३–१ ले पराजित भएको थियो । त्यस्तै मलेसियासँग २–० ले र लाओससँग २–१ ले पराजित भएको थियो । नेपाल अङ्कविहीन हुँदै अङ्क तालिकाको अन्तिम स्थानमा छ । अब नेपालले मलेसिया र लाओससँग होम म्याच खेल्न बाँकी छ ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया