दार्चुला । दार्चुलाको लेकम गाउपालिका वडा नम्बर ५ मैखोली इरखोलीको एक घरमा आगलागी भएको छ । आज बिहान स्थानीय अम्बादत्त जोशी (गणेश) को कच्ची दुई तले घरमा आगलागी हुदा घर जलेर पूर्ण रुपमा नष्ट भएको छ भने गोठमा रहेको दुहुँनो भैँसीको समेत जलेर मृत्यु भएको वडा सदस्य शंकर दत्त जोशीले जानकारी दिनुभयो । यस्तै गोठ भित्र रहेको गाई पनि जलेर घाइते भएको र घरभित्रको काठ, अन्नपात क्षति भएको उहाँले बताउनुभयो ।
दुहुनो भैँसीका लागि दालो पकाउने क्रममा बालेको आगो सल्किएर घरमा आगलागी भएको घरधनी गणेश जोशीले बताउनुभयो । बिहिबार विहान आगलागी भएको सूचना पाएपछि प्रहरी चौकी रातामाटाबाट खटिएको प्रहरी टोलीले घटनास्थलको मुचुल्का तयार गरेको छ । आगलागीबाट एक लाख ५० हजार बढीको क्षति भएको बताइएको छ ।
परिवारका सदस्य अर्को घरमा बस्ने भएकोले सकुशल रहेको र घर तथा घरपालुवा जनावरमा क्षति पुगेको बताइएको छ। आर्थिक रूपमा विपन्न परिवारमा आगलागीले ठूलो क्षति भएपछि समस्यामा परेकोले राहत सहयोग गरिदिनुहुन अनुरोध गर्नुभएको छ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया