दार्चुला । दार्चुलाको अपिहिमाल गाउँपालिकामा नयाँ प्रमुख प्रशासकीय अधिकृत हाजिर भएका छन् । गाउँपालिकाको प्रमुख प्रशासकीय अधिकृतको जिम्मेवारीमा लोकेन्द्र बहादुर विष्ट शुक्रबार गाउँपालिकामा हाजिर हुनुभएको हो । प्रमुख प्रशासकीय अधिकृत विष्टलाई शुक्रबार नै गाउँपालिकामा स्वाग गरिएको गाउँपालिका अध्यक्ष भक्तबहादुर सिंह ठेकरे बोहराले जानकारी दिनुभयो ।
विष्टले आजैदेखि अपिहिमाल गाउँपालिकाको प्रमुख प्रशासकीय अधिकृतको जिम्मेवारी सम्हालेको उहाँले बताउनुभयो ।
संघीय मामिला तथा सामान्य प्रशासन मन्त्रालयले दार्चुलाका अपिहिमाल संगै मालिकार्जुन र व्याँस गाउँपालिकामा पनि नयाँ प्रमुख प्रशासकीय अधिकृत खटाएका थियो । तर ती दुई पालिकामा भने आज सम्म खटाएका प्रशासकीय अधिकृत हाजिर भएका छैनन् ।
भूमि व्यवस्था, सहकारी तथा गरिबी निवारण मन्त्रालयबाट व्याँस गाउँपालिकाको प्रमुख प्रशासकीय अधिकृतमा खटाइएका हरि पौडेलले भने राजीनामा दिएको मन्त्रालय स्रोतले जनाएको छ।
