दार्चुला । नेपाल रेडक्रस सोसाइटी दार्चुला शाखाका मन्त्री दिपक प्रसाद अवस्थीले कोरोना जित्नुभएको छ । तीन हप्ता पहिले मन्त्री अवस्थीलाई कोरोना भाइरसको संक्रमण पुष्टि भएको थियो । बिहिबार गरिएको पीसीआर परीक्षणमा कोरोना रिर्पोट नेगेटिभ आएको उहाँले बताउनुभयो ।
कोरोना भाइरसका लक्षण देखिएपछि मन्त्री अवस्थीलाई तीन हप्ता पहिले उपचारका लागि दार्चुलाबाट धनगढी रेफर गरिएको थियो । धनगढीमा स्वाब परीक्षण गर्दा कोरोना रिपोर्ट पोजेटिभ आएपछि सेती प्रादेशिक अस्पतालमा उपचार गराउनुभएको थियो ।
बिहिबार रिपोर्ट नेगेटिभ आएसंगै पूर्ण रुपमा कोरोना मुक्त भएको अनुभव गरेको मन्त्री अवस्थीले बताउनुभयो । कोरोनामुक्त भएसंगै उहाँलाई अस्पतालबाट डिस्चार्ज गरिएको छ । अहिले स्वास्थ्य अवस्था सामान्य रहेको उहाँले बताउनुभयो ।
दार्चुलामा हालसम्म २५७ जनामा कोरोना पुष्टि भए पनि अधिकासंले कोरोना जितिसकेका छन् । जिल्लाभरीमा ६१ जना संक्रिय संक्रमित रहेको स्वास्थ्य कार्यालय दार्चुलाका कोरोना भाइरस फोकल पर्शन बिरेन्द्र राज भट्टले बताउनुभयो ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया