दार्चुलाको मार्मा गाउँपालिकामा शिक्षण सिकाई सहजिकरण कक्षाहरु पुनः सञ्चालन गरिएको छ ।
गाउँपालिकाभरीका ४६ विद्यालयमध्ये ४२ विद्यालयमा आजदेखि शिक्षण सिकाई सहजिकरण शुरु भएको मार्मा गाउँपालिकाका शिक्षा अधिकृत राजेन्द्रप्रसाद जोशीले जानकारी दिनुभयो ।
लटिनाथ माबिमा कार्तिक १८ गतेदेखि र तवोवन माबिमा २० गतेदेखि कक्षा सञ्चालन हुने शिक्षा अधिकृत जोशीले बताउनुभयो । बाकी दुई वटा विद्यालयमा समेत छिट्टै बैकल्पीक शिक्षण सिकाई शुरु गर्ने गरी आवश्यक तयारी भइरहेको मार्मा गाउँपालिकाले जनाएको छ ।
यसैबिच आजदेखि बैतडीको पुर्चौडी र मेलौली नगरपालिकामा समेत आजदेखि शिक्षण सिकाई सहजिकरण कक्षाहरु सञ्चालन गरिएको छ । कोरोना प्रभाव र दशैँ विदाका कारण रोकिएका बैकल्पीक सिकाई कक्षाहरु आजदेखि पुनः सुचारु गरीएको पुर्चौडी नगरपालिका शिक्षा शाखा प्रमुख दिनेश नगारीले जानकारी दिनुभयो ।
पुर्चौडी नगरपालिका भित्रका ७५ सामुदायिक र ३ संस्थागत गरी ७८ वटै विद्यालयमा शिक्षक सिकाई सहजिकरण शुरु गरिएको उहाँले बताउनुभयो । पुर्चौडीमा झण्डै १४ हजार विद्यार्थी अद्ययनरत रहेका छन् । उता मेलौली नगरपालिकामा ४६ सामुदायिक र ३ निजी विद्यालयमा गरि ८ हजार बढी विद्यार्थी अध्ययनरत रहेका छन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया