दार्चुला । नेपाल कम्युनिस्ट पार्टीको नेकपाको एकता जोगाउन माग गर्दै कैलालीमा एक जना कार्यकर्ता अनसनमा बसेका छन् ।
पार्टी एकता जोगाउनुपर्ने लगायतका ५ बुँदे माग राख्दै नेकपा डडेल्धुरा जिल्ला कमिटी सदस्य पदम बोहराले आइतबारदेखि अनसन सुरु गर्नुभएको हो ।
नेकपाको सुदूरपश्चिम प्रदेश कार्यालयमा आइतबारदेखि रिले अनसन सुरु गरेको बताईएको छ ।
‘पार्टी विभाजन हुनबाट रोक्नु पर्ने भन्दै अनसन बसेको हु’ उहाँले भन्नुभयो ‘अहिले सबै कार्यकर्ताहरूले नेतालाई दबाब दिन आवश्यक छ ।’
नेताहरूले व्यक्तिगत, पारिवारिक र गुटगत स्वार्थ भन्दा माथि उठेर देश र जनताको हितमा काम गर्नुपर्ने उहाँले माग राख्नु भएको छ ।
सचिवालयबाट स्थायी कमिटीमा लैजाने निर्णय गरिएको दुवै अध्यक्षहरूको प्रतिवेदन फिर्ता लिएर छलफल चलाउनुपर्ने, पार्टी एकताको बाँकी काम अगाडि बढाएर महाधिवेशनसम्म जानुपर्ने, सङ्घीयता, गणतन्त्र र आन्दोलन उपलब्धीको रक्षाको लागि पार्टी एकबद्ध हुनुपर्ने समेत उहाँको माग छ ।
प्रत्येक दिन बिहान १० बजे आउने ५ सम्म अनसन बस्ने उहाँले जानकारी दिनुभयो ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया