दार्चुला । बाजुराको पूर्वी उत्तरी भेगका बुढीनन्दा नगरपालिका वडा नम्बर १ बार्ताेलामा बुधबार साँझ जीप दुर्घटना हुँदा ८ जना घाइते भएका छन् ।
जिल्लाको हिमाली गाउँपालिकाको धुलाचौरबाट कोल्टी तर्फ गईरहेकोो से १ ज ३१० नम्बरको जीप बार्ताेलामा दुर्घटना हुँदा ८ जना घाइते भएको इलाका प्रहरी चौकी कोल्टीले जनाएको छ ।
धुलाचौरबाट विवाहको जन्ती बोकेर आएको उक्त जीप दुर्घटना हुँदा मुगुको खत्याड गाउँपालिका वडा नम्बर २ का ३७ वर्षीय टेकबहादुर बुढा र सोही गाउँपालिकाका ३७ वर्षीय जयबहादुर बुढा घाइते भएका छन् ।
यस्तै दुर्घटनामा परी बाजुराको बुढीनन्दा नगरपालिका वडा नम्बर ३ का ३२ वर्षीय भीमबहादुर बुढा, सोही नगरपालिकाका १६ वर्षीय दिपेन्द्र बुढा, ३८ वर्षीया गंगा बुढा, २२ वर्षीया सविना बुढा, १८ वर्षीया सुस्मिता बुढा र बडीमालिका नगरपालिका वडा नम्बर ७ का तामांगकान्देन थापा समेत घाइते भएको प्रहरीले जनाएको छ ।
घाइते भएका सातै जनाको कोल्टी प्राथमिक स्वास्थ्य केन्द्रमा उपार भइरहेको छ । दुर्घटनामा परी घाइते भएका यात्रुका अवस्था सामान्य रहेको प्रहरीले जनाएको छ ।
जीप चालकलाई प्रहरीले नियन्त्रणमा लिई घटनाको विषयमा अनुसन्धान गरिरहेको कोल्टी प्रहरीले जनाएको छ ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया