दार्चुला । बैतडीको दशरथचन्द नगरपालिकाले वडा नं ४ को गढी क्षेत्रलाई सिल गर्ने निर्णय गरेको छ ।
आइतबारदेखि गढी क्षेत्र सिल गर्ने निर्णय भएको नगरपालिकाले प्रकाशन गरेको सूचनामा उल्लेख गरिएको छ । केही दिन अघिमात्रै गढी क्षेत्रमा एकजनामा मृत्युपछि कोरोना पुष्टि भएको उहाँको सम्पर्कमा रहेकाहरुमा पनि कोरोना देखिएकाले गढी क्षेत्र पौष २६ गते देखि माघ ६ गते सम्म सिल गर्ने निर्णय भएको प्रमुख प्रशासकीय अधिकृत विक्रमबहादुर चन्दले जानकारी दिनुभयो ।
दशरथचन्द नगरपालिकाको गढी क्षेत्रमै अहिले पनि ७ जना संक्रमित रहेकाले संक्रमण नफैलियोस भन्नका लागि गढी क्षेत्र सिल गरिएको उहाँले बताउनुभयो ।
गढी क्षेत्रमा आवतजावत नगर्न, शिक्षण संस्था बन्द गर्न, बजार तथा पसलहरु बन्द गर्न नगरपालिकाले आग्रह समेत गरेको छ ।
कोरोना समुदायमा फैलिए झन् समस्या हुने भएकाले नगरपालिकाको गढी क्षेत्र सिल गर्ने निर्णय भएको दशरथचन्द नगरपालिकाका स्वास्थ्य शाखा प्रमुख दुर्गादत्त जोशीले जानकारी दिनुभयो ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया