दार्चुला । मालिकार्जुन गाउँपालिका अध्यक्ष नरेन्द्रसिह धामीले गाउँपालिकामा आर्थिक अनियमितता गरेको भन्दै उपाध्यक्ष पुस्पा अवस्थी (मेनुका) ले अक्तियार दुरुपयोग अनुसन्धान आयोगको कार्यालय महेन्द्रनगर कञ्चनपुरमा उजुरी दिनुभएको छ । अध्यक्ष धामीले गाउँपालिकाका मनपरी ढंगले काम गरेको, कोरोना रोकथामको बजेटमा अनावश्यक बिल भरपाइ तयार गरेर अनियमितता गरेको लगायत आरोप सहित उपाध्यक्ष अवस्थीले छानबिन तथा अनुसन्धानका लागि अक्तीयारमा उजुरी दिनुभएको हो ।
अध्यक्ष धामीको संलग्नतामा गाउँपालिकाको काममा अनियमितता भएको भन्दै आवश्यक अनुसन्धानका लागि जेठ ५ गते जिल्ला प्रशासन कार्यालय दार्चुलामा तीन दिनको अल्टीमेटम सहित निवेदन दिएपनि सुनुवाई नभएपछि अक्तीयारमा उजुरी दिएको उपाध्यक्ष अवस्थीले बताउनुभयो ।
जेठ ५ गते उपाध्यक्ष अवस्थीले अध्यक्ष धामीले गाउँपालिकामा एकलौटी ढंगले मनपरी गरेको, अनियमितता गरेको लगायत विषयमा ८ बुदे निवेदन जिल्ला प्रशासन कार्यालय दार्चुलामा पेस गरेको भोलिपल्ट जेठ ६ गते अध्यक्ष धामीले दर्चुला सदरमुकाम खलंगामा पत्रकार सम्मेलनको आयोजना गरी ७ बुदे खण्डन गर्नुभएको थियो । छलफलको माध्यमबाट विवाद समाधान गर्नुको साटो अध्यक्षले पत्रकार सम्मेलन गर्न थालेपछि आवश्यक प्रमाणसहित अक्तीयारमा उजुरी दिएको उपाध्यक्ष अवस्थीको भनाइ छ ।
अध्यक्ष धामीले ७ बुदे खण्डन सहित पत्रकार सम्मेलन गरेको ६ दिनपछि सोमबार उपाध्यक्ष अवस्थीले खलंगामै पत्रकार सम्मेलनको आयोजना गरी ५ बुदे खण्डन सार्वजनिक गर्नुभएको छ ।

अध्यक्ष धामीले जिल्ला बाहिरबाट आएर क्वारेन्टाइनमा बस्न नमानेर उपाध्यक्ष अवस्थीले राष्ट्सेवक कर्मचारी र स्वास्थ्यकर्मीको मनोबल गिराएको, आफ्नो मान्छेलाई कार्यालय सहयोगी नियुक्त गर्न भनेको तर आफुले नमानेको कारण आफुलाइ अनावश्यक आरोप लगाएको भन्दै पत्रकार सम्मेलनमार्फत आफ्नो बचाउ गर्नुभएको थियो । सोमबार उपाध्यक्ष अवस्थीले अध्यक्ष धामीले खण्डन गरेका प्रतेक बुदाहरुको प्रति खण्डन गर्दै अध्यक्ष धामीले अनियमिता र मनोमानी गरेको कुरा दोहोर्याउनुभएको छ ।
अध्यक्ष धामी छलफलबाट समस्या समाधान गर्न तयार नभएपछि अक्तीयारमा उजुरी दिएको उपाध्यक्ष अवस्थीले बताउनुभयो ।

उपाध्यक्ष अवस्थीले अक्तीयारमा दिएकाे निबेदन :

हेर्नुहोस उपाध्यक्ष अवस्थीले पत्रकार सम्मेलनमा सार्वजनिक गरेका प्रेस विज्ञप्ती

उपाध्यक्ष अवस्थीले जेठ ५ गते जिल्ला प्रशासन कार्यालय दार्चुलामा दिएको निबेदन

अध्यक्ष नरेन्द्र सिह धामीले ६ गते पत्रकार सम्मेलन मार्फत गरेको खण्डन

उपाध्यक्ष अवस्थीले लगाएकाे अाराेपपछि अध्यक्ष धामीकाे खण्डन

उपाध्यक्ष अवस्थीले लगाएकाे अाराेपपछि अध्यक्ष धामीकाे खण्डन