दार्चुला । मार्मा गाउँपालिका वडा नम्बर ४ तपोवनमा खेलमैदान निर्माण कार्य शुरु भएको छ ।
४२ करोड लागतमा बृहत खेलमैदान निर्माण गर्ने उद्धेश्यले क्रमागत आयोजना अन्तरगत मंगलबारदेखि खेलमैदान निर्माण शुरु भएको हो ।
चालु आर्थिक वर्षमा ५० लाख बजेट विनियोजन गरेर उपभोक्ता समितिमार्फत खेलमैदान निर्माण कार्य शुरु गरिएको वडा नम्बर ४ का वडाअध्यक्ष उदयसिह महराले जानकारी दिनुभयो । यसअघि गाउँपालिकामा रणनीतिक महत्तको खेलमैदान निर्माण गर्ने उद्धेश्यले डिपिआर गरेर खेलमैदान निर्माणको काम शुरु गरिएको मार्मा गाउँपालिकाका निमित्त प्रमुख प्रशासकिय अधिकृत राम कुमार रानाले बताउनुभयो ।
चालु आर्थिक वर्षको बजेट कार्यान्वयन गर्न पुर्ण सिह धामीको अध्यक्षतामा उपभोक्ता समिति गठन गरिएको छ ।
संघिय सरकारको सहयोगमा खेलमैदान निर्माण भइरहेको हो । आगामी आर्थिक वर्षदेखि ठेक्का मार्फत खेलमैदान निर्माणको कामलाइ निरन्तरता दिइने वडाअध्यक्ष महराले बताउनुभयो ।
मार्मा गाउँपालिका वडा नम्बर ४ मा निर्माण शुरु भएकाे खेलमैदान निर्माणस्थल
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
प्रतिक्रिया
भर्खरै प्रकाशित
