दार्चुला । स्वास्थ्य चौकी भवन निर्माणको विषय टुंगो लगाउन नसक्दा मालिकार्जुन गाउँपालिका वडा नम्बर १ मा जनप्रतिनिधिलाई स्थानीयले वडा कार्यालयभित्र थुनेका छन् ।

स्थानीयले मालिकार्जुन गाउँपालिका उपाध्यक्ष पुष्पा अवस्थी, वडा नम्बर ६ का वडा अध्यक्ष गोपालसिह धामी, वडा नम्बर ७ का वडाअध्यक्ष लोकेन्द्रसिह धामी, वडा नम्बर १ का वडा अध्यक्ष गौरसिह बोहरा लगायत वडापालिकाका सदस्य र सचिवलाई कार्यालयभित्रै थुनेका हुन् ।

मालिकार्जुन गाउँपालिका वडा नम्बर १ मा स्वास्थ्य चौकी भवन बनाउने विषयमा सहमति नहुँदा लामो समयदेखि स्थानीय बीच विवाद छ। भवन बनाउने विषयमा सहमति नहुँदा वडाले गाउँपालिकामा सहमतिको लागि आग्रह गरेपछि गाउँपालिकाले उपाध्यक्ष पुष्पा अवस्थीको नेतृत्वमा ३ सदस्य समिति गठन गरेको थियो ।

समितिले सोमबार स्थानीय र जनप्रतिनिधिस‌ंग छलफल गरेपनि सहमति हुने अवस्था नआएपछि स्थानीयले वडा कार्यालयमा तालाबन्दी गरेका हुन् ।

वडा नम्बर १ मा तल्लो वस्ती र माथिल्लो वस्ती बीच स्वास्थ्य भवन बनाउने विषयमा विवाद रहेकाे छ ।

तल्लो क्षेत्रका स्थानीयले सडक छेउमा भवन बनाउनुपर्ने माग गरिरहदा माथिल्लो भेगका स्थानीयले डुङुरी वस्ती नजिकै स्वास्थ्य चाैकीकाे भवन बनाउनुपर्ने माग गर्दैअाएका छन् ।

प्रतिक्रिया

सम्बन्धित खवर

 

दार्चुलामा ट्याक्टरबाट खसेर ४० बर्षीय पुरुषको मृत्यु

२०८० चैत्र २२, बिहीबार १०:४९

ताजा समाचार

लोकप्रिय

सिफारिस

छुटाउनु भयो कि ?