
बैतडी । प्रहरीले सुन लुटपाट गर्ने र लुटेको सुन खरिद गर्ने २ जनालाइ पक्राउ गरेकाे छ । पक्राउ पर्नेमा बझाङ बित्थड चिर गाउँपालिका–७ सुवाकोटका बिर्ख लुहार र सिगास गाउँपालिका प्रकाशसिहं बोहरा छन् ।
पक्राउ पर्नेहरुमध्ये लुहार सुनको गरगहना लुटपाट गर्ने तथा बोहराले लुटेको गहना किनेको खुलेको छ । लुहारले आइतबार बैतडीकी एक महिला एकै घास काट्न गएको मौका छोपी उनले लगाएको सुनको गहाना लुटेका थिए ।
उनीहरुलाइ प्रहरीले बुधबार सिगास गाउँपालिकाबाट पक्राउ गरहेको हो । उनीहरु दुबै जना विरुद्ध इलाका प्रहरी कार्यालय पाटन बैतडीले अनुसन्धान गरिरहेको छ ।

पत्रकार जोशी लोकदर्पण मिडियाका लागि विभिन्न विधाका समसामयिक विषयमा कलम चलाउछन् ।