
दार्चुला । डडेल्धुरा अस्पतालको प्रयोगशालामा भएको परीक्षणमा बैतडीका १० सहित ११ जनामा कोरोना पुष्टि भएको छ ।
पछिल्लो २४ घण्टामा ४३ जनाको कोरोना परीक्षण भएकोमा बैतडी र डडेल्धुराका ११ जनामा संक्रमण पुष्टि भएको हो ।
अस्पतालको प्रयोगशालाका इन्चार्ज इश्वरी प्रशाद भूषालका अनुसार बैतडीको पुर्चौडी नगरपालिकाका नौँ जना, पाटन नगरपालिकाका एक जना र डडेल्धुराको नवदुर्गा गाउँपालिकाका एक जनामा संक्रमण पुष्टि भएको हो।