दार्चुलाका ८ र बैतडीका ९ ओटा स्थानीय तहमा अस्थायी कोभीड अस्पताल बन्ने भएका छन् । कोरोना भाईरसको बढ्दो जोखिमलाई ध्यानमा राखेर अस्थायी कोभीड अस्पताल निर्माण हुने स्वास्थ्य कार्यालयले जनाएको छ ।
संघीय सरकारले अस्पताल नभएका स्थानीय तहहरुमा अस्थायी कोभीड अस्पताल निर्माणका लागि बजेट पठाईसकेको छ । बैतडी जिल्लाका ९ स्थानीय तहमा ५ बेडका अस्थायी कोभीड अस्पताल निर्माण हुने स्वास्थ्य कार्यालयका प्रमुख योगेशप्रसाद भट्टले जानकारी दिनुभयो ।
स्थानीय तहहरुमा अस्थायी कोभीड अस्पताल निर्माणका लागि १० लाखका दरले बजेट पठाइएको छ । बैतडीमा दशरथचन्द नगरपालिका बाहेकका सबै स्थानीय तहमा ५ बेडका अस्थायी कोभीड अस्पताल निर्माण हुने स्वास्थ्य कार्यालयले जनाएको छ ।
कोरोना भाईरसको जोखिम बढ्दै गएकाले कोरोनाका बिरामीहरुको उपचारका लागि अस्थायी कोभीड अस्पताल निर्माणको अवधारणा ल्याइएको हो ।
दोगडाकेदार गाउँपालिका, पुर्चौंडी नगरपालिका र सिगास गाउँपालिकाले अस्पताल सञ्चालनका लागि आवश्यक जनशक्तिको समेत माग गरिसकेका छन् ।
दार्चुलाको पनि महाकाली नगरपालिका बाहेकका आठ स्थानीय तहमा कोभिड अस्पताल निर्माणको तयारी भइरहेको छ ।
नौगाड गाउँपालिका, लेकम गाउँपालिका र मालिकार्जुन गाउँपालिका लगायत विभिन्न स्थानीय तहले कोभिड अस्पताल निर्माणका लागि आवश्यक प्रकृया शुरु गरिएको जनाएका छन् ।
यो खबर पढेर तपाईलाई कस्तो महसुस भयो ?
प्रतिक्रिया
भर्खरै प्रकाशित
