दार्चुला । डाडाबाग आधारभुत विद्यालय किमिचोर डिलाशैनी गाउँपालिका वडा नम्बर २ कपट्टाका प्रधानाद्यापक ४० वर्षीय गोबिन्द घरेडीको हत्या भएको आशंका गरिएको छ ।

घटनास्थल, मृतको शारीरिक अवस्था र घटनाको परिदृश्य हेर्दा हत्या गरेर फालेको अनुमान गर्न सकिने अवस्था भएकोले सत्यतथ्य छानबीनको माग गर्दै मृतकका आफन्तले मंगलबार दिउँसो गोकुलेश्वर बजारमा आन्दोलन गरेका छन् । न्यायको माग गर्दै बजार र महाकाली लोकमार्ग बन्द गरेर एक घण्टा सडकमा टायर बालेर बिरोध प्रदर्शन भएको छ ।

प्रहरी, प्रशासन लगायत सरोकारवालाहरुसंगको छलफलपछि मृतकका आफन्त शव बुझेर पोष्टमाटम गर्न तयार भएका छन् । प्रहरीले गोकुलेश्वर अस्पतालमा पोष्टमाटम गर्न अनुरोध गरेपनि मृतकका आफन्तले गोकुलेश्वर अस्पतालबाट सहि रिर्पोट पाइनेमा विश्वास नभएको भन्दै शव पोष्टमाटमका लागि गोकुलेश्वरबाट बैतडी अस्पताल लगेका छन् ।

दार्चुलाको शैल्यशिखर नगरपालिका वडा नम्बर ९ शिवपुरी धाम जग्वाचौर नजिक गोकुलेश्वर बजारतर्फ सडक किनारको भिरमुनी पानीको कुलामा आज विहान प्रधानाद्यापक घरडीको शव फेला परेको थियो । मृतकको टाउँकोमा धारीलो हतियार प्रहार भएको जस्तो देखिने घाउँ र शरीरमा निलडाम रहेको आफन्तहरुले बताएका छन् । मृतकको साथमा ८६ हजार नगद रुपैँया सहित झोला, मोबाइल लगायतको सामान फेला परेको छ ।

घटनाबारे थाहा पाएपछि ईलाका प्रहरी कार्यालय गोकुलेश्वरबाट खटिएको प्रहरी निरीक्षक खगेन्द्रसिह साउँद नेतृत्वको टोली घटनास्थल पुगेको थियो । घटनाबारे अनुसन्धान भइरहेको जिल्ला प्रहरी कार्यालय दार्चुलाका प्रहरी निरीक्षक एबं सूचना अधिकारी भास्कर चन्दले जानकारी दिनुभयो ।
सोमबार बिहान शिक्षकहरुको तलबभक्ता भुक्तानी गर्न घरबाट गोकुलेश्वर आएका प्रधानाद्यापक घरडीको गाउँ जाने बाटो नै नपर्ने सडक माथिको आरसीसी नहर (कुलो) भित्र शव फेला परेपछि हत्याको आशंका गरिएको हो ।

घरबाट संगै गोकुलेश्वर आएका अरु चार जना भने सकुसल घर पुगेका थिए । मृतक घरडीसंगै समैजी माबि गन्नाका शिक्षक दिनेश बोहरा र शिवराम लुहार, आबि किमिचौर कपट्टाकै शिक्षक महेश घरडी र गन्नाका स्थानीय व्यापारी जनक भण्डारी गोकुलेश्वर बजार आएका थिए । मृतक घरडीले नै सम्पर्क गरेको गाडीमा उनिहरु चारै जना घर फर्किएपनि घरडी घर फिर्ता भएका थिएनन । घरडी सम्पर्कमा नआएकोले आफुहरु बेलुकी घर फर्किएको उनिहरुको प्रतिक्रिया रहेको बताइएको छ ।

प्रधानाद्यापक घरडीको मृत्यु भइसकेपश्चात सोधपुछका लागि उहाँसंगै बजार आएका चारैजनालाई प्रहरीले नियन्त्रणमा ल्याएको छ । सोमबार पाचै जनाले गोकुलेश्वरको महेश्वरी होटलमा संगै खाना खाएकोले होटल समेत सिल गरेर अनुसन्धान भइरहेको छ । प्रधानाद्यापक घरडीको घरमा श्रीमती, तीन छोरा र दुई छोरी रहेका छन् ।

घरडीको शव फेला परेदेखि पोष्टमार्टम गर्न लैजादा सम्मको घटनाक्रमबारे बिस्तृतमा थाहा पाउँन यो भिडियो लिकंमा क्लीक गर्नुहोस