कोरोना भाइरसका कारण दार्चुलामा एक जना पुरुषको मृत्यु भएको छ ।
दुहुँ गाउँपालिका वडा नम्बर २ हिकिला बस्ने ३० वर्षीय पुरुषको कोरोनाका कारण मृत्यु भएको हो ।
शनिवार श्वास प्रश्वासमा समस्यामा आउँदा उपचारको लागि धनगढी लगिएका उहाँको बैतडीको सतबाँझ पुर्याउदा बाटोमा मृत्यु भएको थियो ।
श्वास प्रश्वासमा अत्याधिक समस्या देखिएपछि उहाँलाई महाकाली नगरपालिको एम्बुलेन्सबाट धनगढी लगिएको थियो ।
कोरोना संग मिल्दाजुल्दा लक्षण देखिएपछि उहाँको स्वाब संकलन गरि पीसीआर परीक्षणका लागि बैतडी प्रयोगशाला पठाइएको थियो । प्रयोगशालामा परीक्षण गर्दा उहाँमा कोरोना पोजेटिभ देखिएको स्वास्थ्य कार्यालय बैतडीले जनाएको छ ।
मृतक पुरुष नेपाल विद्युत प्राधिकरण दार्चुला वितरण केन्द्रमा कार्यरत कर्मचारी हुनुहुन्थ्यो ।
यो संगै दार्चुलामा कोरोनाका कारण मृत्यु हुनेको संख्या ३ पुगेको छ ।
दुई जनाको उपचारका लागि जिल्ला अस्पताल दार्चुलाबाट पठाएपछि सुदूरपश्चिमै तथा एक जनाको प्रदेश बाहिर नै उपचारका क्रममा मृत्यु भएको हो ।
यो खबर पढेर तपाईलाई कस्तो महसुस भयो ?
प्रतिक्रिया
भर्खरै प्रकाशित
