दार्चुला । अस्ट्रेलिया र भारतबीचको टी २० सिरिज शुक्रबार आजदेखि शुरुहुँदै छ । तीन वटा टी २० सिरिज हुने छ ।
एक दिवसीय सिरिज २–१ ले गुमाएको भारतले टी २० मा त्यसको बदला लिने रणनीतिमा हुने छ । अन्तिम एक दिवसीय क्रिकेटमा १३ रनको जित निकाल्दै भारत सिरिज क्लिनस्वीप हुनबाट जोगिएको थियो ।
शुक्रबार हुने टी २० सिरिजमा कडा प्रतिस्पर्धा हुने अनुमान गरिएको छ । भारतीय टिमले अन्तिम एक दिवसीयमा केही परिवर्तन गरेको थियो र फलस्वरुप जित हात पनि पारेको थियो । यस्तोमा भारतीय टिमले केही परिवर्तन पक्कै गर्ने छ ।
बलिङ तर्फ जसप्रित बुमराह वा मोहम्मद शमी मध्य एक जनालाई आराम दिन सकिने छ । यस्तै टी नटराजन भने खेल्ने लगभग पक्का छ । तर ब्याटिङमा भने परिवर्तन हुने सम्भावना कम देखिएको छ ।
उता, अस्ट्रेलिया टिममा भने परिवर्तन हुने सम्भावना कम रहेको छ । डेविड वार्नरको अनुपस्थितिमा डार्सी शटले आरोन फिन्चले ओपनिङ गर्ने छन् । भारत र अस्ट्रेलियाबीचको पहिलो टी २० क्यानबेरामा दिउँसो १ः५५ बजे शुरुहुने छ ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया