दार्चुला । प्रधानमन्त्री कप एकदिवसीय क्रिकेट प्रतियोगिताको सुदूरपश्चिम छनौट अन्र्तगत आज पनि २ खेल हुदै छन् ।
कभर्डहल मैदानमा दार्चुला र बैतडी भिड्दा, खुलामञ्च मैदानमा अर्को खेलमा बझाङ र कैलालीबिच प्रतिस्प्रर्धा हुने छ ।
यसअघि हिजोको खेलमा कैलालीसंग दार्चुला ११७ रनले पराजित भएको थियो, भने बैतडीले बझाङलाई ७ विकेटले हराउदै राम्रो सुरुवात गरेको थियो ।
मंसिर २७ देखि सुरु भएको उक्त प्रतियोगितामा प्रदेशका ८ टोलीको सहभागिता रहेको छ । पुस ३ गतेसम्म सञ्चालन हुने उक्त पुरुषको छनौट प्रतियोगिताबाट प्रधानमन्त्री कप क्रिकेटका लागि सुदूरपश्चिमको टोली छनौट हुने नेपाल क्रिकेट संघका सुदूरपश्चिम सचिव तेजप्रकाश भट्टले बताउनुभयो ।
प्रधानमन्त्री कप एकदिवसीय क्रिकेट प्रतियोगिता पुस ११ गतेबाट हुदैंछ ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया