दार्चुला । बैतडीमा आगोमा जलेर एक बालिकाको ज्यान गएको छ ।
जिल्लाको सिगास गाउँपालिका वडा नम्ब्र ३ साउन खेतकी २ बर्षीया रेखा साउँदको आगोमा जलेर ज्यान गएको हो ।
रेखाका दाजु ४ बर्षीय दिपेश साउँदले घरको पछाडी रहेको खरको कुन्युमा आगो लगाउँदा सोही ठाउँमा जलेर बालिकाको ज्यान गएको जिल्ला प्रहरी कार्यालयले बैतडीले जनाएको छ ।
बिहीबार (आज) अपरान्ह ४ बजेको समयमा दुवैजनाले खेल्नका लागि सलाई लगेको हुन सक्ने अनुमान गरिएको छ । खरको कुन्युमा लागेको आगोले घरमा समेत समान्य क्षति पुगेको छ, भने स्थानीयबासीहरुको सहयोगमा आगो नियन्त्रणमा लिइएको जिल्ला प्रहरी कार्यालय बैतडीले जनाएको छ ।
घटनास्थल गाँजरी प्रहरी चौकीबाट ४ घण्टाको पैदलदुरीमा रहेको बताइएको छ । भोली जिल्ला प्रहरी कार्यालयबाट पनि घटनाको अनुसन्धानका लागि प्रहरी टोली जाने बताईएको छ ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया