दार्चुला । सिल्क ग्रुपका प्रिन्स दाहाल र एपीएफकी जेशिका गुरुङ्ग १० औं संस्करणको पुष्पलाल स्मृति राष्ट्रिय ¥याङकिङ ब्याडमिन्टनको उपाधि जितेका छन् ।
आईतबार भएको फाईनलमा प्रिन्सले एपीएफका दिपेश धामीलाई २१–१८ र २१–१३ को सेटमा पराजित गरे भने जेशिकाले आर्मीकी रसिला महर्जनलाई १८–२१, २१–१५ र २२–२० को सेटमा पराजित गरे ।
प्रिन्सले शुक्रबार मात्र नेपाल नम्बर एक रत्नजित तामाङ्गलाई पराजित गर्दै फाईनल यात्रा तय गरेका थिए ।
पुरुष युगलमा नविन श्रेष्ठ र रत्न जित तामाङ्गको जोडी सफल बन्यो । नविन र रत्नजितको जोडीले सरोज महर्जन र पविन लिङ्गखेतको जोडीलाई २१–१९, १९–२१ र २१–१३ को सेटमा पराजित गर्यो ।
महिला युगलमा अमिता गिरी र रसिला महर्जनको जोडी च्याम्पियन बने । आर्मीका खेलाडीद्धयले जेशिका गुरुङ्ग र सुनौना मुखियाको जोडीलाई २१–१८ र २१–१२ को सेटमा पराजित गरे ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया