दार्चुला । लेकम गाउँपालिका प्रबक्ता तथा वडा नम्बर ४ का वडा अध्यक्ष महेन्द्र राज जोशीले गाउँपालिका प्रबक्ताको पदबाट राजिनामा दिनुभएको छ ।

वडा अध्यक्ष जोशीले बुधबार लेकम गाउँपालिका प्रमुख प्रशासकिय अधिकृत विर बहादुर ऐर समक्ष राजिनामा बुझाउनु भएको हो । वडा अध्यक्ष जोशीले कार्यालयमा मदिरा सेवन गरि सिफारिस च्यातेको, सेवा ग्राहीलाई सिफारिस नदिएको आरोप लागेपछि गाउँपालिका प्रबक्ताको पदबाट राजिनामा दिएका हुन ।

वडा अध्यक्ष जोशीले अधिकार क्षेत्र नै नभएका गाउँपालिकाका प्रमुख प्रशासकिय अधिकृतलाई राजिनामा पत्र बुझाएका हुन । प्रमुख प्रशासकिय अधिकृत बिर बहादुर ऐरले वडा अध्यक्ष जोशीले आफुलाई राजिनामा पत्र बुझाएको र आफुले यो आफ्नो अधिकार क्षेत्र नभएको भन्दै गाउँपालिका अध्यक्षलाई पत्र बुझाउन दिएको बताईएको छ ।

गाउँपालिका अध्यक्ष प्रमान्नद जोशीले भने आफुलाई अहिले सम्म राजिनामा पत्र  नआएको बताउनुभएको छ ।गाउँपालिका कार्यालयमा राजिनामा पत्र समेत नभेटिएको स्थलगत रिपोर्टीङमा रहेका लोकदर्पणकर्मी नरेन्द्र जोशीले जानकारी दिनुभयो ।

वडा अध्यक्ष जोशीले कार्यालयमा मदिरा सेवन गरि अपशब्द प्रयोग गरेको आरोप लागेको छ । गाउँपालिकामा मदिरा निषेध गर्नै जनप्रतिनिधि नै मदिरा सेवन गरि कार्यालयमा जाने गरेको स्थानीयहरुले बताएका छन ।

वडा अध्यक्ष जोशीले सेवा ग्राहीले दिएको सिफारिस च्यातेर फालेको र मदिरा सेवन गरि अपशब्द प्रयोग गरि गाली-गलोैज गरेको आरोप लागेको छ । मदिरा सेवन गरि कार्यालयमा गएको र सिफारिस च्यातेको आरोप लागेपछि जोशीले गाउँपालिका प्रबक्ताको पदबाट राजिनामा दिएको खुलेको छ ।

वडा अध्यक्ष महेन्द्र राज जोशीले मदिरा सेवन गरि कार्यालमा हो हल्ला गरेको तथा कार्यालय बाट पाईने सिफारिसको लागी अनुरोध गर्दा समेत म सिफारिस दिन्न, मैले पदबाट राजिनामा दिइसके म त्यस्तो निवेदनमा हस्ताक्षर गर्दिन, भनेर सिफारिस च्यातेको वडा नम्बर ४ का स्थानीय पुष्कर राज जोशीले बताउनुभयो ।

स्थानीय जोशीले वडा अध्यक्ष महेन्द्र जोशीले मदिरा सेवन गरि हो-हला गरेको सिफारिस नदिएको,सिफारिस च्यातेको र कार्यालयमा मदिरा सेवन गरि गाली गलौज गरेकोले अवश्यक छानविनको लागी गाउँपालिकामा निवेदन दिएका छन ।

तर वडा अध्यक्ष महेन्द्र राज जोशीले भने गाउँपालिकामा नियम संगत तरिकाले काम नभएको कारण पदमा बसिरहनुको औचित्य नभएकोले राजिनामा दिएको बताउनुभएको छ । उहाँले भन्नुभयो मैले मदिरा सेवन गरेको भए मेडिकल गरेर था भै हाल्छ, मैले मदिरा सेवन गरेको छैन ।

सिफारिस च्यातेको सम्बन्धमा आवश्यक प्रक्रिया पुरा नभएकोले प्रक्रिया पुरा गरेर ल्याउनुस भनेको हु तर मैले सिफारिस च्यातेको छैन वडा अध्यक्ष जोशीले भन्नुभयो । उहाँले बेरोजगारहरुले रोजगार पाउनुपर्छ भन्ने आफ्नो दाबी रहेको र गाउँपालिकाले नियम अनुसार काम नगरेकोले राजिनामा दिएको बताउनुभयो ।

लेकमका प्रतिनिधिहरुले कार्यपालिकामा मदिरा निशेधित पालिका बनाउन निर्णय गरेका भएपनि आफै मदिरा सेवन गरी कार्यालयमा आउने गरेको स्थानीयहरुको आरोप छ।