दार्चुला । बैतडीको दोगडाकेदार गाउँपालिका वडा नम्बर ७ की भागरथी भट्टको बलात्कारपछि हत्या भएको घटनाको दाहाल–नेपाल समूहको नेकपाले भर्त्सना गरेको छ ।
शनिबार (आज) शोक वक्तव्य जारी गर्दै अध्यक्षद्वय पुष्पकमल दाहाल र माधवकुमार नेपालले घटनाबाट आफू स्तब्ध र मर्माहत भएको जानकारी दिनुभएको छ ।
डेढ वर्षअघि निर्मला पन्तको हत्याको प्रसङ्ग कोट्याउँदै उहाँहरूले राज्यसंयन्त्र नागरिकलाई शान्तिसुरक्षा दिन असफल भएको बताउनुभयो ।
उहाँहरूले सरकारसमक्ष निर्मला पन्तको घटनामा जस्तै गैरजिम्मेवार नबन्न र सत्यतथ्य सार्वजनिक गरी दोषीलाई कडा कारबाही गर्न माग गर्नुभएको छ ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया