दार्चुला । दार्चुलाको मालिकार्जुन गाउँपालिका वडा नम्बर ३ मल्बावमा जङ्गली बदेलको आक्रमणबाट ३ जना घाइते भएका छन ।
आज विहान गाउँ नजिकैको जङ्गलबाट बस्तीमा पसेको बदेललाई धपाउने क्रममा बदेलले आक्रमण गर्दा ३ जना घाइते भएको स्थानीय रिनु धामीले जानकारी दिनुभयो ।
घाइते हुनेमा स्थानीय १६ बर्षीय गोविन्द धामी, ७५ बर्षीया हजुर आमा धौली धामी, अन्दाजी २० बर्षीय अनिल धामी रहेको उहाँले बताउनुभयो ।
विहान जङ्गलबाट गाउमा पसेको बदेलले गोविन्दलाई घर आगनमै आक्रमण गरेको र नातीलाई बदmेबाट बचाउन खोज्दा हजुर आमा धौली धामी गम्भीर घाइते भएको स्थानीय रिनु धामीले जानकारी दिनुभयो ।
घाइते भएका धौली धामीको अवस्था गम्भीर रहेको प्रहरीले जनाएको छ । उहाँको गोकुलेश्वर अस्पतालमा उपचार हुन नसकेपछि थप उपचारको लागी कैलाली रेफर गरिएको जिल्ला प्रहरी कार्यालय दार्चुलाले जनाएको छ ।
त्यस्तै गोविन्दको गोकुलेश्वर अस्पतालमा उपचार भइरहेको छ, भने अनिलको शंकरपुर स्वास्थ्य चौकीमा सामान्य उपचार पछि जिल्ला अस्पताल दार्चुला पठाइएको प्रहरीले जनाएको छ ।
गाउँ पसेको बदेललाई स्थानीय युवाहरुले मारेर प्रहरीलाई बुझाएको बताएका छन ।
