दार्चुला । बैतडीको पुर्चौडी नगरपालिका वडा नम्बर ९ तल्लादेहि का वडाअध्यक्ष रम्भा बोहरामाथि कुटपिट भएको छ ।
मंगलबार (आज) दिउँसो करिब दुई बजेतिर स्थानीय पदम बहादुर भण्डारीले वडा कार्यालयमा वडाअध्यक्षकै कार्यकक्षमा कुटपिट गरेको बताइएको छ ।
वडाअध्यक्ष रम्भा बोहराले रेडियो लोकदर्पणसंग भन्नुभयो, मैले सेवाग्राहीहरुलाई सेवा दिइरहेको थिए, आज अरु दिनको तुलनामा सेवाग्राहीको भिड पनि बढी थियो, सेवा प्रवाहकै क्रममा आफुमाथि हातपात भएको छ । २०७४ सालमा ट्युमरको शल्यक्रिया गरिएको हातमा चोट लाग्दा हात चलाउन समस्या भइरहेको वडाअध्यक्ष बोहराले बताउनुभयो ।
आफुमाथि कुटपिट भएको विषयमा प्रहरीलाई जानकारी गराइसकेको, सेवाग्राहीहरु समेत साक्षी रहेको र भोलि मेडिकल परीक्षण समेत गर्ने तयारी भइरहेको उहाँले बताउनुभयो ।
निर्माणाधिन वडा कार्यालय भवन निर्माणको उपभोक्ता समिति परिवर्तनको विषयमा विवाद हुदा हातपात भएको बुझिएको छ ।
कुटपिट गरेको आरोप लागेका भण्डारी भवन निर्माण समितिको अध्यक्ष हुन् । उहाँले बजेट कार्यान्वयन गर्न नसक्दा समिति पुर्नगठनको विषयमा छलफल भइरहेको वडा कार्यालयले जनाएको छ ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया