दार्चुला । बैतडीको दोगडाकेदार गाउँपालिका वडा नम्बर ७ चडेपानिकी भागरथी भट्टको बलात्कारपछि हत्या अभियोगमा पक्राउ परेका दिनेश भट्टलाई बाल सुधारगृह दिपायल पठाइएको छ ।
घटनामा आफ्नो संलग्नता रहेको स्वीकार गरेका दिनेश भट्टलाई सुधारगृह पठाउन जिल्ला अदालत बैतडीले आदेश दिएको हो ।
जिल्ला अदालत बैतडीका न्यायाधीश तिलकबहादुर कार्कीको इजलासले १८ वर्ष नपुगेका कारण किशोरलाई बाल सुधारगृहमा राख्न आदेश दिएको हो ।
भट्टको हत्याका अभियुक्त उनलाई अदालतको आदेशपछि पुर्पक्षका लागि बाल सुधारगृहमा पठाइए जिल्ला प्रहरी कार्यालय बैतडीका प्रमुख नारायण प्रसाद अधिकारीले बताउनुभयो ।
गत माघ २१ गते विद्यालयबाट घर फर्कने क्रममा १७ बर्षिया भागरथीको बलात्कारपछि हत्या भएको थियो । २१ माघमा बेपत्ता भएकी भट्टको भोलीपल्ट घर नजिकैको लबलेक जंगलमा शव फेला परेको थियो ।
सोही अभियोगमा फागुन ४ गते पक्राउ परेका दिनेशले आरोप स्विकारेका छन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया