दार्चुला । नेपाल कम्युनिष्ट पार्टी एमालेले चैत ५ गते दिउँसो १ बजे जिल्लाका ९ वटै स्थानीय तहमा पार्टी कार्यालयहरुको उद्घाटन गर्ने भएको छ ।
नेपाल कम्युनिष्ट पार्टी एमाले जिल्ला पदाधिकारीहरुको आज बसेको बैठकले चैत ५ गते एक साथ जिल्लाका ९ वटै स्थानीयतहरुमा पार्टी कार्यालयको उद्घाटन गर्ने निणर्य गरेको हो ।
नेकपा एमाले जिल्ला अध्यक्ष राम दत्त जोशीको अध्यक्षतामा बसेको बैठकले जिल्लाका ९ वटै स्थानीय तहहरुमा पार्टी कार्यालय उद्घाटनका लागी ९ वटै स्थानीय तहहरुमा एक एक जनालाई जिम्मेवारी दिने पनि निर्णय गरेको नेकपा एमाले दार्चुलाका प्रचार विभाग प्रमुख खडक सिंह बडालले जानकारी दिनुभयो ।
पार्टी कार्यालय उद्घाटनको लागी जिल्लाको मालिकार्जुन गाउँपालिकामा राम दत्त जोशीलाई जिम्मेवारी तोकिएको छ ।
त्यस्तै व्याँस गाउँपालिकामा उदय बडाल, महाकाली नगरपालिकामा ज्ञानेन्द्र घर्ती, नौगाड गाउँपालिकामा चरन सिंह बुढाथोकी र दुहुँ गाउँपालिकामा नरेन्द्र सिंह तिङ्करीलाई जिम्मेवारी तोकिएको उहाँले बताउनुभयो । त्यस्तै लेकम गाउँपालिकामा परमानन्द जोशी, शैल्यशिखर नगरपालिकामा विजय सिंह धामी, अपि हिमाल गाउँपालिकामा धर्मान्नद मन्याल र मार्मा गाउँपालिकामा देव सिंह महरलाई पार्टी कार्यालय उद्घाटनको जिम्मेवारी तोकिएको छ ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया