दार्चुला । भन्सार कार्यालय दार्चुलाले ४ महिनाको अवधिमा ५ लाख बढी राजस्व संकलन गरेको छ ।
कोरोना संक्रमणको कारण गत चैत देखि बन्द रहेको भन्सार कार्यालय यो बर्षको पुस महिनाबाट नियमित रुपमा सञ्चालनमा आएको थियो ।
गत बर्षको चैतमा कोरोना संक्रमणको कारण अन्तराष्ट्रिय सिमानाका बन्द हुदा भन्सार कार्यालय पनि बन्द गरिएको थियो ।
पछिल्लो समय कोरोना संक्रमण कम भएको र खोप पनि आइसकेकोले भारत संग जोडिएका सिमानाकाहरु खुले संगै भन्सार कार्यालय दार्चुला पनि सञ्चालनमा आएको भन्सार कार्यालय दार्चुलाका कार्यालय सहायक मोहन डोबालले जानकारी दिनुभयो ।
मंसिर महिनामा केही दिन मात्रै कार्यालय सञ्चालनमा आएको उहाँले बताउनुभयो । मंसिरमा कार्यालयले एक लाख २१ हजार २ सय ३१ रुपैयाँ राजस्व संकलन गरेको उहाँले जानकारी दिनुभयो । त्यस्तै पुस महिनाको २३ गतेदेखि सिमानामा नियमित सञ्चालनमा आए संगै भन्सार कार्यालय पनि नियमित सञ्चालनमा आएको थियो ।
पुसमा भन्सार कार्यालयले एक लाख ४४ हजार ३ सय ५१ रुपैया राजस्व संकलन गरेको छ । त्यस्तै माघ महिनामा १ लाख ४९ हजार २८ रुपैयाँ र फागुनको २१ गते सम्म १ लाख २४ हजार ३ सय ७९ रुपैया गरि ४ महिनाको अवधीमा ५ लाख ४८ हजार ९ सय ८९ रुपैया राजस्व संकलन भएको कार्यालयको तथ्याङ्क रहेको छ ।
नेपाल सरकारले यो बर्षबाट छोटी भन्सार कार्यालयको रुपमा रहेको भन्सार कार्यालयको स्तरोन्ति गरि भन्सार कार्यालय बनाएको थियो ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया