दार्चुला । कञ्चनपुर जिल्लामा मन्दिरमा पूजा गर्न गएका एक जनाको लडेर मृत्यु भएको छ।
जिल्लाको पुनर्वास नगरपालिका वडा नम्बर ९ धनसिया बस्ने ४३ वर्षीय सर्बे सुनारको आइतबार मृत्यु भएको हो।
जिल्ला प्रहरी कार्यालय कञ्चनपुरका प्रहरी नायव उपरीक्षक अमरबहादुर थापा क्षेत्रीका अनुसार मृतक सुनार र उनकी श्रीमती बेलमति सुनार आइतबार विहान घरदेखि २ सय मिटर टाढा रहेको नवदुर्गा मन्दिरमा पूजा गर्न गएका थिए।
मन्दिर परिक्रमा गर्ने क्रममा सर्बे सुनार लडेर बेहोस भएको बताइएको छ। उपचारको लागि धनगढी ल्याउने क्रममा मृत्यु भएको हो।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया