दार्चुला । ईन्डियन प्रिमियर लिग क्रिकेट (आईपीएल) मा आज (सोमबार) राजस्थान रोयल्स र पन्जाब किङ्सबीच प्रतिस्पर्धा हुदैछ ।
मुम्बईमा हुने राजस्थान र पन्जाबबीचको खेल नेपाली समय अनुसार राति पौने ८ बजे सुरु हुनेछ ।
दुबै टिमको यो पहिलो खेल हो । दुबै टिम जित निकाल्दै सुखद सुरुवात गर्न चाहन्छ ।
राजस्थान सन्जु सामसनको कप्तानीमा मैदान उत्रने छन् । राजस्थानको टिममा बेन स्टोक्स, जोस बट्लर, क्रिस मोरिस जस्ता खेलाडीको साथ रहनेछ ।
पन्जाब हरेक संस्करणमा बलियो टिमको रुपमा रहदै आएको छ । लोकेश राहुलको कप्तानीमा मैदान उत्रने पन्जाबसँग क्रिस गेल,मायांक अग्रवाल, मोहमद शामी, निकोलस पुरन जस्ता खेलाडीको साथ हुनेछ ।
पछिल्लो पाँच खेलमा राजस्थानले ३ र पन्जाबले २ खेल जितेको छ । अघिल्लो संस्करणको दुई भेटमा राजस्थानले जित निकालेको थियो । त्यस अघिको संस्करणमा भने पन्जाबले दुबै खेल जितेको थियो ।
सम्भावित टिम
राजस्थान : बेन स्टोक्स,मनन भोरा, सन्जु सामसन, जोस बट्लर,रियाँ पराग, शिबम डुबे, क्रिस मोरिस, राहुल टेवाटिया, श्रेयस गोपाल, एन्ड्रयु टे,जयदेव उनाकड
पन्जाब : लोकेश राहुल, मायांक अग्रवाल, क्रिस गेल, निकोलस पुरन, मोइसेस हेन्रिक्स, साहरुख खान, सौरभ कुमार, रिले मेरेडिथ, रवी बिश्नोई,अर्शदीप सिंह, मोहमद शामी
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया