दार्चुला । पछिल्लो २४ घण्टामा पीसीआर र एन्टिजेन दुवै विधिबाट गरेर कूल १,४९९ नमूना परीक्षण गर्दा ७७४ जनाको रिपोर्ट पोजेटिभ आएको छ ।
एक हजार १ सय ९९ जनाको पीसीआर विधिबाट परीक्षण गर्दा ७१७ जना संक्रमित भेटिएका छन् भने, ३०० जनाको ऐन्टिजेन विधिबाट परीक्षण गर्दा ५७ जनामा कोरोना पुष्टि भएको सुदूरपश्चिम स्वास्थ्य निर्देशनालय दिपायलले जनाएको छ।
हालसम्म पीसीआर र ऐन्टिजेन विधिबाट सुदूरपश्चिममा १ लाख ९४ हजार ७३७ नमूना परीक्षण गर्दा २९ हजार २०८ जनामा संक्रमण पुष्टि भएको छ।
प्रदेशभर संक्रमण पुष्टि भएका १६ हजार ३ जनाले कोरोना जितेका छन्, भने ३३३ जनाको मृत्यु भएको छ।
सुदूरपश्चिममा पछिल्लो २४ घण्टामा १६ जना कोरोना संक्रमितको मृत्यु भएको छ भने, १४९ जना संक्रमित निको भएका छन्।
पछिल्लो २४ घण्टामा कैलालीका ९ जना, कञ्चनपुरका ४ जना, बैतडी, बझाङ र डोटीका १र१ जना गरी कूल १६ जना संक्रमितको मृत्यु भएको स्वास्थ्य निर्देशनालयले जनाएको छ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया