दार्चुला । बैतडीमा थप एक जना कोरोना संक्रमितको मृत्यु भएको छ ।
पाटन नगरपालिका ८ का अन्दाजी ३४ बर्षीय पुरुषको आइतबार (आज) बिहान डडेल्धुरा अस्पतालमा उपचारका क्रममा मृत्यु भएको स्वास्थ्य कार्यालय बैतडीका प्रमुख योगेशप्रसाद भट्टले जानकारी दिनुभयो ।
उपचारका लागि दुई दिन अघि डडेल्धुरा अस्पताल लगिएका उहाँमा कोरोना पुष्टि भएको थियो ।
यसैबिच बैतडीमा आइतबार थप ६० जनामा कोरोना पुष्टि भएको छ । एन्टीजेन विधिबाट परीक्षण गर्दा एक जना र पीसीआर विधिबाट परीक्षण गर्दा थप ५९ जनामा कोरोना पुष्टि भएको स्वास्थ्य कार्यालयले जनाएको छ । यो संगै बैतडीमा सक्रिय संक्रमितको संख्या ९१५ पुगेको छ ।
आइतबार मेलौली नगरपालिकाका २७, शिवनाथ गाउँपालिकाका ११, दशरथचन्द नगरपालिकाका ७, डिलाशैनी गाउँपालिकाका ५, पञ्चेश्वर गाउँपालिकाका ४, सिगास गाउँपालिकाका ३, पाटन र सुर्नया गाउँपालिकाका १÷१ जनामा संक्रमण पुष्टि भएको छ ।
सक्रिय संक्रमित मध्ये सबैभन्दा बढी दशरथचन्द नगरपालिकामा ३७५, पाटन नगरपालिकामा २०८, मेलौली नगरपालिकामा ५४ र पुर्चौंडी नगरपालिकामा २४ जना रहेका छन् । पञ्चेश्वर गाउँपालिकामा ७०, सिगास गाउँपालिकामा ५०, सुर्नया गाउँपालिकामा ३७, दोगडाकेदार गाउँपालिकामा ३४, शिवनाथ गाउँपालिकामा ३० र डिलाशैनी गाउँपालिकामा १७ जना सक्रिय संक्रमित रहेका छन् ।
आइतबार बैतडीमा ६ जनाले कोरोना जितेको स्वास्थ्य कार्यालयले जनाएको छ ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया